المشاركات

عرض المشاركات من يوليو, ٢٠١١

ليـــــه بحبـــــــك كل دااا

صورة
انا ليه بحبك كل دا يمكن عشان انت الحنان ولا الامان ولاعشان لقيت فى حضنك الدفا وليه مقدرش معاك ع الجفا قولت عشان انت المحال انت الامال انت اللى فيك كل الوفا حبيت عشانك دمعتى لما بتجرى على وجنتى  وأجرى عليك عشان تقطفها زى وردة من جنتى وأدوب فى عشقك لما تغنى وتقول ياليلى انا عاشق مجنون وحبى مجننى وفى حب ليلى انا عاشق ولما المح كلمتك فى عنيك قبل شفايفك يجاوب القلب على قلبك ويقولك حبيبى انا شايفك حاسك ودارى باللى فيك والقلب دايب فيك ولو قربت شوية منه الروح هتروح فيك

وأنـــــــا بين أيديــــــــــك

صورة
وأنا بين أيديك بنسى الاماكن بنسى العناوين بنسى الاسامى بنسى الزمن بنسى كل شىء بنسى اللى فات وكل الذكريات وقسوة الايام بنسى كل حاجه الا لمسة ايديك وأنا جوه حضنك تتوه منى الكلمات وتتبعثر الحروف وتبقى المعانى مغزوله بالامانى واحلام ورديه فى قلبك ليا شايفاها بكيانى وحساها بعنيا وانا جوه حضنك قرب حبيبى احذف بينا المسافات خليك قريب وماتبعد حتى لحظات خلى العيون تتكلم وتقول كل الكلام والشفايف تشرح برعشه لقاء تفرح وروحى فى روحك تسبح فى حب وعشق وهيام أحب العشق فى عيونك ورعشه القلب فى سكونك ونبض المعانى فى لفتاتك وصدق الاحساس فى لمساتك أحبك والحب لن يكون بدونك وكيف احب من هو دونك فأنت الاصل وأنت الصورة أنت الحلم وأنت الواقع أنت ربيع عمرى وسيد أمرى أنت حبى اللى ما اعيش بدونـــــــــــــــه   

نعــــــم أحبـــــــــه

صورة
مالى ارى البسمات فى كل الوجوه وتمتلىء سمائى بكل الوان الورود وتتساقط زخات المطر على شعرى ويتمايل برقه جسدى الرقيق المنحوت مالى أداعب العصافير فى سمائها وأسابق الفراشات فى بساتينها والهو مثل طفله فى فناء منزلها تداعبنى النسمات فتعجبنى مداعبتها ولم اتسائل عن الاسباب وانا ادرى أن السبب هو فرحه عقلى وقلبى بمحبوبى الذى بالحب والوفاء بادلنى وعلى العهد باقى وفى دمى يسرى أسكرنى حبه وذابت من حنانه اوصالى وزادت ضربات قلبى وتاهت خطواتى اليه اهرب من اعوام لم تحسب بعمرى وابدأ معه حياة اخرى بكل عمرى نعم أحبه .. وحبه أخترق الاسوار وتحدى العالم   واصبح سر الاسرار هو حبيبى وقلبى وفارسى المختار هو البدايه والنهايه هو الحب والاختيار 

بكرة تنـــــــــــدم

صورة
زى ماكنت بقول زمان الحب فى قلبك مالوش مكان عايش لوحدك يومك لنفسك متعرفش طعم الاحزان تتنقل من زهرة لزهرة وكأنك فراشه فى بستان تاخد اجمل مافيهم فى لحظة ولما تشبع تغير المكان فرحان بطولك وبعرضك وزينت بصورك الجدران كل واحده تشوفك فى خيالها وترسمك فارس الفرسان وتغرقك بكلامها المعسول يطير عقلك وتستسلم للجنان عايز بعد ده كله تفتكرنى ازاى وقلبك مفيهوش مكان قلبك خلاص اتقفل قلبك خلاص بقى مليان ياريتك كنت قفلته على واحده يمكن كنت تحس بالامان مش هلومك ولا هكلمك ولاهقولك ارحم قلب حيران القلب اللى انت رميته مش هسيتنى فى نفس المكان وصورتك مع الزمن هتضيع ملامحها كمان بكرة تندم على اللى عملته بكرة تعيش فى حرمان 

أحتـــاج اليـــــك

صورة
احتاج اليك حبيبى  فكن منى قريبا ولاتبتعد فلم يبقى فى العمر الا قليلا أحتاج لهمساتك أحتاج للمساتك أحتاج أن اشعر انى أنثى أحتاج ان أشعر بحبك بشوقك بلهفتك بضعفك أتركنى اسافر داخلك اتجول فى احشائك أجعلنى وريدا تسرى فيه دمائك أجعلنى حروفا ينطقها لسانك كم من اعواما انتظرتك وفى احلامى ناديتك ومحوت القسوة من صدرك رغم صدك وهجرك كم طويت صفحات حياتى وسجلت بحبك احلى صفحاتى وملأت دفاترى بكلمات العشق ووهبت لك بداياتى ونهاياتى ايا رجلا ذابت عند رؤيته أوصالى أقترب ولاتحسب أن الفراق أختيارى قد أخترتك أنت .. أنت كل أسرارى فأدخلنى عالمك . أوهبك كل أحلامى   

نقطة مطر

صورة
 على الشباك وسط السكون فى ليل مظلم حزين دقت نقطة مطر ودقتها فيها رنين فى عينيها شوفت حزن كبير قالتلى خدينى دفينى طريقى طويل واخره ليل ضلمة ونهايته أرض واسعه وهتوه وسط الرمله خدينى أسقينى حب وحنان حبك ليا حياه حبك نجاة حبك زى اللقاء نصيب وقدر خدينى وماتسيبينى تايهه فى الفضا قالتلى طول عمرى بنزل مع المطر اخلى الصحراء خضراء ولا حد حاسس بيا من كل البشر ولاحد عارف قيمة نقطة المطر أنا نقطة مطر وحيدة من زمان مش معروف ليا مكان تنزل تنقر على الارض تسعد الحزين وتشبع الجعان تايهه وسط الناس بتدور على ناس عزاز لكن تاهت وخلاص ومين يرجعها تانى ماهى نقطة مطر انداست خلاص من الناس خلينى معاكى وجمعينى فى كاسك كبرينى وزيدينى اكون وناسك وحطى معايا وردتك احميها وارويها وكفايه انى معاكى فى كاسك

فات وقت العتاب

صورة
بيقولى ايه اللى غيرك؟ ايه خلاك عنى بعيد ايه اللى شاغلك ومحيرك وليه تختار تبقى وحيد بيقولى فين ضحكة شفايفك راحت فين ابتسامة العيون ليه انطفى ورد خدك وليه فضلتى السكون غريبه السؤال والاغرب انه منك انا اللى كنت زمان اقرب لك منك كنت تدور عليا لو يوم غيبت عنك كنت تحلم بلقايا لو الايام خدتنى منك دلوقتى بتسألنى ايه غيرنى دلوقتى  بتفهمنى انك حاسسنى دلوقتى بتقول انك حاببنى بعد مالقسوة ما غيرتنى دلوقتى بس حسيت بقيمتى حسيت بحضنى اللى افتقدته دلوقتى بس وحشاك قصيدتى وكلامى اللى نفسك تناجى حرفه  اسفه فات وقت العتاب واللى بينا صار دخان واللى كانوا زمان احباب اصبح هواهم فى خبر كان الطريق بينا خلاص اتقفل ومفيش طريق هيوصلك بايدك انت الحب اتقتل مستحيل يصحى تانى ويرجعك