المشاركات

عرض المشاركات من يوليو, ٢٠١٤

غبـــــاء

صورة
من الغباء  أن نحاول التنفس  تحت الماء وأن نرى فى الأعماق راحة الإنزواء وننتظر من الأمواج الحنان والإحتواء من الغباء أن نستسلم لمن يحاولون طمس وجودنا من على وجه الأرض دون أدنى إحساس أو حياء من الغباء أن تُعمى أعيننا وتُصم أذاننا عن مشاعر صادقة تحاول إحياء مشاعرنا الجوفاء من الغباء أن نظل عبيداً تتحكم فينا أقوال  الناس الأموات منهم والأحياء من الغباء ان نحتضن الذكرى ونبكى على ماضينا وفى أيادينا مفاتيح السعادة والهناء من الغباء أن نجوب العالم باحثين عن قلب عاشق وهو داخل حياتنا ودون أن ندرى يملأ كل الفضاء

أميرة حزينة

صورة
أميرةٌ وف قصر كبير بعيد عن البشر حدود القصر أسوار عالية يغطيها الشجر فى كل مكان تشوف الخُضرة والزهر كاسى الحجر أميرة حزينة شاردة وتايهة جواها ألم بتحكى وجعها لسراب مالى كيانها بتحكى بصمت وخوف وندم عيونها متعلقة  بالسور العالى وكلها أمل تعدى السور تهرب من الأسر و خنقة القصر  لعالم مفيهوش ألم أصحابها عصفورة ومشط ومراية وخدم تخدمها لكن بلا كلمة ولاحكاية وحيدة ف قصر مليان بشر لكن قلوبهم ذى  الحجر عصفورة ملهاش جناح بتطير بخيالها لابعد مكان وعشان حدودها  أربع حيطان تلف وتدور وتتخبط ف الأركان وتلاقى نفسها جريحة والدم ينزف يغرق فستانها والطرحة والشال حتى الأااه محدش بيسمعها الكل ملهى ف نفسه وأبوابه مسكرها ويدور جواها سؤال ياترى كل الناس كده ولا اللى حواليا دول مش بشر

حكم الدهر ماشى

صورة
حكم الدهر ماشى بقلم / جيهان السنباطى =========== من كُتر الوجَع قلبى إتوجع منىِ والدمع م العين جرى يكوى الرمش والننىِِّ تايه يادنيا فيكى قلبى شايل منىِ ضاعت منى السنين والألم بيعصرنىِ إزاى أرجع اللى فات بعد ماراح منىِ عينى عليك يازمن خدت الحبايب منىِ ما عاد ليا ونيس والوحدة بتقتلنى ابكى وأنوح ع الروح ابكى بصوت مبحوح وضيقة النفس تخنقنى أأأه ياحبيب الروح لو اشوفك قصاد منى أغذى عينى برؤيتك ولادقيقة تغيب عنىِ لكن حكم الدهر ماشى وللأحزان مسلِّمنىِ مفيش فى ايدى غير الصبر ودعوة لربى تصبرنى

سجين الماضى

صورة
سجين الماضى بقلم : جيهان السنباطى ======= يا سيدى .. أعلمُ أن اللقاء نصيب وأن المكتوب فى علم الغيب وأننى ,,, وأنك ,,, أغرابٌ وسط عالم مهيب وأعلمُ أن العيون عطشى والعقول جافة والقلوب ثكلى والدنيا أخذت منا كل مايطيب ياسيدى .. تعلق مثلى بخيوط النور واشبع ناظريك بالفرحة والسرور وإنسج أحلامك فى غفوة الليل ربما بنور القمر تلمح بنات الحور أعلم ياسيدى .. أنك راهبٌ فى معبد محبوبتك ترتل فى محرابها إنشودتك تتغنى بألحان أحبَّتها وطيفها يناجيك فى خلوتك ياسجين الماضى من قيودك  تحرَّر واليها قُل وكرَّر أنك أحببتُها وأن قلبك فى حبها لم يفكر وأنك اسير ثائر وأتركها تفكر وتقرِّر

طمن قلبها

صورة
طمن قلبها بقلم : جيهان السنباطى ======= مش عيب إنك تساعدها وتحط ايدك ف ايدها وتشيل معاها مسؤليه البيت مش عيب إنك تسمعلها وتطمن قلبها وتقولها إنك بيها إكتفيت مش عيب إنك تلاطفها وتحن عليها وتخطفها من كل الناس  لو حبيت العيب إنك تسيبها وتروح لغيرها وهى أولى الناس بيك العيب إنك تشوف الحيرة ف عيونها والخوف قاتلها وتهون عليك إوعاك تفتكر إنها مش حاسة بيك وإنك سهل تلعب بيها وبمشاعرها وهتفضل تدادى فيك لا .. صدقنى خاف من سكوتها وصبرها عليك وفكر فى بيتك واسرتك فكر ف اللى بيحبك لنفسك مش اللى بيلعب بيك خليك معاها وطمنها فكرها باللى فات واللى جاى قولها إنك عايش عشانها خليها تحس بالأمان وتعيش هى كمان ليــــك

رحيق الود

صورة
رحيق الود بقلم : جيهان السنباطى ========= يداعبٌ ذاكرتى من حينٌ الى اخر بروعةِ طيفه وعطـــــــره الساحر يجوب الأمكنة بأجنحة الملائـــكة أراها بإحساس ى وعيونى الناعسة ف يأسرنى بريق عينيه  وياخذنى الشوق اليه أناديه بصمت … أقبل  فيستجيبُ بلا تَمَهل ف ما أجمل الصمت حين يجمعنا  ورحيق الود يظللنا

مختلفش عنهم

صورة
مختلفش عنهم كتير نفس العيون نفس الشفايف نفس المشاعر حتى الدموع ماليه العيون من غير ماتِشكى الحزن فاير مختلفش عنهم كتير نفس الشوارع دوستها نفس الجناين شوفتها نفس الهوا نفس السما نفس القمر حتى خطوط ضوءه بايدى لمستها واللى يفرق بينى وبينهم إنى راضية بالمكتوب مش طالبة اكون واحدة منهم بس طالبة قلب يكون حبوب عايزاه يكون جنبى يحس بيا وبقلبى عايزاه يكون سندى مش سى السيد يزود غُلبى نفسى يفهم ضعفى ويعرف إنى بيه قوية نفسى يداوى جرحى من غير مايعاير فيا نفسى يعرف إنى بكمله وإن وجوده بيكملنى ومش عشان إحتجتله يقسى عليا ويقتلنى ف الدنيا ياما هتشوف ملامح ناعمة وملامح قاسية بس عمرك ماهتشوف القلب الصافى لو كانت النية مش صافية