سحر الكلمات

 يامليكى ياساحرا بيده مفاتيح المـــحال يا ملاكا به أمتــلكت الكــــــون وبه أمتلكت كل قلوب الرجــال فى رحابك أمتطى جواد الخيال وأطوف به فى طرقات الوجود أسبح بين أمواج الحياة العاتيه مبتهجة أمنه لا أخاف المــــوت أجعلنى قريبه أكثر من قلــــبك وأنا سأهجر لاجلك كل الاحزان أرسمنى لوحه بعيناك هاتـــــان وأحفظها بين الجــــفن والاهداب فى وجودك تغيــــرت كل الالوان وأصـــبحت الزهور تملأ البستان وجمال الرحيق يســحر الفراشات وتتغنى الطيور لرؤيتك بأعذب الالحان بين احضانك الحنونة ألتمس الدفىء فأختفى بين ثنايا معطفك الاسود فتصير أنت معطفى فى برد الشتاء اليك أتقدم بخطواتى وتلتقى النظرات حتى تلتـــــــــصق الاقدام فى الاقدام وأكتب بكل شوق على شفتيك كلماتى وأرتوى منهما مثلما يرتوى القلم بالمداد واشتم عطرك فيزداد القلب فى الدقات وتلتهب المشاعر فانصهر كالبركان يذوب الثلج فى جسدى وتشتعل النيران وأبحث فى أحضانك عن دواء يطيبنى فأرى عينيك بكل حنــــــان تلاحظنــى يامليكى يا سر وجودى وسبب عذابى أمنحنى الحياة بجانبك أوهبك حيــاتى فلأجلك أرتضيت بالسير على الاشواك وساظل رغم الالم أقول أننى مـــشتاق

أحيانا أشعر أن دقات القلب تسرع على غير عادتــــها وأن حـمرة الوجنتان تزداد اذا ماتذكرت بعض الاشياء أحيانا اشعر بان للكلمة نبضات تسرى فى البدن كسريان الدماء وأن الحروف ترياق لكل الالام وأن اجتماع حرفين منها يعنى حياة أحيانا أحن الى أعواما مضت وأتمنى استرجاع ماسلبه الزمان منى وأأمر الساعات والدقائق بالتوقف وأرجوها كثيرا أن تعود الى الوراء أحيانا أتذوق طعم الحياة وأستمتع بجمالها وأجد فيها سكنى وراحتى وجنة احلامى وأتنقل فى بستانها أقطف اجمل الازهار وأسبح فى عيون الناس بلا خوف ولاحذر واحيانا أخاف اذالاحظت خيالى يتابعنى وأخسر من فرط خوفى كل من يحبنى أختبىء دائما من كل مجهول يقترب منى وأقاتل كل من يحاول اختراق اسوارى لاأعلم لماذا ؟؟ لكنه مجرد أحساس يراودنى قليلا مايسعدنى وكثيرا ما يحزننى

 حكايه فى كلمات ------------------------- للكلــــــــــــــــــمات معانى تخترق النفوس  فتترك فيها اثرا كبيرا ربــما يشعرنا بعضها بالسعادة  لكن اكثرها يترك فينا جرحا مميتا بحثـــت فى الكلمــات عن دواء يشفى القلوب التى ادمتها الجراح فلم اجد الا حروفا متناثرة تتصارع  تلوح بين الحين والاخر مع شعاع الصباح وفى ذات يـــــــــــــــــــــــــــوم تناولت قرطاسى وقلمى على عجل   وبدأت اسرد افكارى على سطــــــورى المتتابعة وكلمة بعدها كلمة وبدون قصــــــــــد   وجدتنى اسبح فى خــــــــــيالى شارده متأملة كتبت قصه فتاة جميله حالمة تقف خلف جدار عالى فى قصر يعــــلوه قبة متهاوية رايت فى عينيها حزن دفين تكاد تخفيه   بفرض حظر على شــــــــفتيها بعدم التعبير تقف وحيده فى فناء قصرها يلفها الصـــــــــمت الرهيب   ونظـــراتها تائهه بلا دليل تتلفت حول نفسها باسطة زراعيها كى يتـــــــــــخللها   الريح وتغمض عينيها برهة فترى السكون من حولها قد اصبح ضـــــجيجا والموت اصبح حياة واختفت الظلمة تفتح عينيها مبتهجة وتسرع الخطى تحاول ان تسابق الريح بخطواتها المتسارعة فتطل...

ويسألوننى سيدى الى من تنظمين اشعارك ؟؟ ومن ذا الذى يشغل افكارك ؟؟ فكيف أجيب ؟؟ وكيف أبوح بأسرارى ؟؟ عذرتهن سيدى .. فلا يعلمن أنك منبع الهامى مازالوا يتابعوننى بأعينهم والفضول بداخلهم يقتلهم يترجمون لفتاتى لافعال وينتظرون فك طلاسم المحال فعذزتهن سيدى .. فلا يعلمن حبيبى أنك كل احلامى 

 أنا لست كتابا مفتوحا للجميع فليس من حق الاخرين الاطلاع على اسرارى ولست حروفا يتلقفها المحرومون كى ينقشون بها عشقا زائفا على قبر أحلامى لست مجبورة أن افهم الاخرين من أنا فمن يمتلك العقل والحكمة سيعلم من أنا ومن لايمتلكهما لاينتظر منى التفسيرا فلأمر بالنسبة اليه سيكون عسيرا

قسوتك يا امه --------------- ليه قسوتك عليــــــا يا امه ليه سايبانى لقسوة الزمان ياما قولت محتجالك يا امه ياما اتمنيت تسقينى الحنان سبتينى لدنيا قاســــــيـــه اقاسى المر وادوق الحرمان دورت فى حضنك ع الراحه ملقيتش فيه غير النكران ابعد واقول عنى هتسألى وامنى نفسى بلهفه وحنيه واقول انك هتيجى وتشرحى اد ايه وحشـــــتك ليا استنى رنه تلـــيفونك واقول خلاص مش قادرة تبعدى استنى يومين وعشرة ويعدى الشهر حتى ماتسألى ويمر الشهر ورا التانى ولما تكونى محتجالى تتكلمى وفى كلامك بس بتطلبى عايزة ده وده وده وفى الاخر تنسى تسلمى اسمع كلامك ويبكى قلبى هى دى اللى اسمها أمى مستحيل اكون منها واستحاله هى تكون أمى ليه يا امه منك تحرمينى وتدى غيرى حقى فيكى حتى الكلمة الحلوة ماتقوليلى وتقوليلى القسوة منك ازاى قلبك يطاوعك تكسرى قلب وليدك ازاى عينيكى تسامحك على جرح قلب بنتك وفى النهايه مفيش فى ايدى غير انى اقول ربنا يسامحك 

بتحبها ؟؟ طب ليه مقولتش ان قلبك حبها؟؟ ليه اختيارك كان تايه وقــــتها ؟؟ ليه سيبتنى ابنى امانى وأهدها؟؟ بتحبها ؟؟ طب انا اعمل ايه لما تسيبنى وتروحلها؟؟ مفكرتش ليه فيا واشمعنى هى تسمعلها؟؟ رميتنى فجأه عشانها وقلبك راح وركعلها؟؟ بتحبها ؟؟ كنا تلاته انا حبيتك وانت بتحبها وهى ولاهمــــــها سيبت اللى حبك وجريت ورا حبك وتشيلنى همها لامنك حبيتنى ولاخليتنى احب غيرك سيبنى وروحلها بتحبها ؟؟ طب وانا مالى خلاص انا سيبتك عيشلها مليت كلامك مليت سلامك كرهت ظلمك وكرهتها مش هقولك وداع ولا عندى امل للوصال و لو رجعت هقولك برضه ارجعلها 

 كلمة بحبك ----------------------- كلمة بحـــــــــــبك كـــــــــــــلمة ياما سمــــــعتها محســــــــــــيتش بيــــــــــــها وياما كتير كدبتها ولما جيتنى وقولتها معرفش ليه صدقـــــــــــتها حبيتها منك ومن غير حساب بعدك كمان رددتها وأتارينـــــــــــى كنت عاشقه وبكل شوق مستنياه وأتارينــــــــــى كنت حالفه انى أعيش العمر معاه وضــــــــــــاع فى ثوانى خوفى أول ماقابلت هواه وابتدى العمر يحــــــلى واللى ضاع مش حسبــــاه بلاش تغيـــــــــب خليك قريب خدنى لقلبك ضمنى أنت الحبيب وانت النصــيب وأنت اللى قلبك حبنى هفضل معاك مســــــتنياك عشان تكمل معاك دنيتى انت اللى قلبى اختارك وعقلى وافق على رغبتــى كنت قافله قلبى من زمان مكنش فى اللى يستاهله والكلمة تطلع من اللسان متعديش على القلب قبله كنت اسمع القلب يشكى والدمعه تجرح وجنــــــته واقوله خلاص ياقـــــلبى ملكـشى نصيب فى جنته لكن خلاص لحبك انا مستسلمة ....ومن النهارده العمر هيبدأ من اوله .... مش هقول العمر فات ولاهفضل أعيش فى الذكريات . كفايه عليا أكون جنبك حتى لو كان الباقى من عمـــــــــرى بس ساعات

 اوعــــدنى حبيبى تفضل معايـا اوعـدنى وقــــــول انا كلى ليك مش قولت الدنيـــــا بين ايديـــا انا عـمرى كـــله بـــــين ايديك اسرقنى حبيــــــــــبى من ايامى اسرقنى وخــــدنى من احلامى طمعانه فى قربك ومش هخـبى وازاى اخـــــبى وانا روحى فيك وياك هعيش اللى معيشتهوش وهقول معاك اللى مقولتهوش قرب حبيبى فى حضنى وعيش واللى ضاع ياريت متحسبهوش ان كان عليا انــــا بوعـــــــدك هسكن فى قلبك ومش هبــعدك وان مــــــرة جيت   وظلـمتنى انا قلبى عـــمره ماهيـــــظلمك صـــــدقنى حبيبى المرة دى حــــــــــبك جوايا مش عادى وغلاوتك عنــدى عرفتــها من يوم ماجيـــتنى وقولتها