يا قســـــــوتك يا أمـــه
قسوتك يا امه
---------------
ليه قسوتك عليــــــا يا امه
ليه سايبانى لقسوة الزمان
ياما قولت محتجالك يا امه
ياما اتمنيت تسقينى الحنان
سبتينى لدنيا قاســــــيـــه
اقاسى المر وادوق الحرمان
دورت فى حضنك ع الراحه
ملقيتش فيه غير النكران
ابعد واقول عنى هتسألى
وامنى نفسى بلهفه وحنيه
واقول انك هتيجى وتشرحى
اد ايه وحشـــــتك ليا
استنى رنه تلـــيفونك
واقول خلاص مش قادرة تبعدى
استنى يومين وعشرة
ويعدى الشهر حتى ماتسألى
ويمر الشهر ورا التانى
ولما تكونى محتجالى تتكلمى
وفى كلامك بس بتطلبى
عايزة ده وده وده
وفى الاخر تنسى تسلمى
اسمع كلامك ويبكى قلبى
هى دى اللى اسمها أمى
مستحيل اكون منها
واستحاله هى تكون أمى
ليه يا امه منك تحرمينى
وتدى غيرى حقى فيكى
حتى الكلمة الحلوة ماتقوليلى
وتقوليلى القسوة منك
ازاى قلبك يطاوعك
تكسرى قلب وليدك
ازاى عينيكى تسامحك
على جرح قلب بنتك
وفى النهايه مفيش فى ايدى
غير انى اقول ربنا يسامحك
راااااااااااااااااااااااائع جد وراقى ومميز راق لى
ردحذفبشكرك جداااااااااا اخى محمود على زيارتك الجميله لمدونتى واهتمامك بالتعليق على كلماتى .. نورتنى .. تقبل ارق تحياتى ..جيهان السنباطى
ردحذف