حدث خطأ في هذه الأداة

الأربعاء، 18 ديسمبر 2013

نعم للدستور



نعم هقولها للدستور
ومش خايفه من معارض
 ولاخايفه من محظور
بأعلى صوتى هقولها
مش عشان هو كامل
ولاعشان هو مبتور
لكن عشان انا وطنية
وعايزة العجلة تدور
حالنا واقف من سنين
محتاجين ياعالم دستور
يطمنى على عيالى
ويخلينى اعيش مستور
إيه فايدة الخلاف
وكتر الكلام
وشهادة الزور
كفاية شهدا لحد كده
الدم بقى رخيص
يابرصاص يامنحور
طول مالفوضى مستمرة
هيضيع مننا شباب
فى عمر الزهور
مين اللى كسب
ولامين اللى خسر
مش هى دى القضيه
القضيه قضية وطن
على بركان بيفور
محتاج لأيد تنقذه
ايد شباب واعى صبور
شد حيلك يابن بلدى
اخرج وقول نعم للدستور
متخافش وعلى صوتك
قول انا مش مجبور
أكمل حياتى مع اللى قتلنى
ومش هرضى اكون معاهم
محظور


الاثنين، 9 ديسمبر 2013

أيها المغرور



ايهاالعاشق المغرور
لاتلومننى على هجرانك والصد
فأنت من نثرت البذورعلى أرضى
وأنت من تعجلت الحصد
أحرقت الفؤاد بهجرانك
فكيف تطلب منى الصفح
يكفينى منك جفائك
ووأد الود والصفو
أيها العاشق المكابر
لن أكون صفحة فى كتابك
ولازهرة يابسة فى المزاهر
فأنا الأن خارج مداراتك
فإحتضن الوسائد إشتياقا
وغلف القلب بالأنين
لتعلم أن العشق جمرا
وأنك ستظل لأمره سجين
أحسنت بك الظن ولكن
بسهامك أرديتنى قتيلا
وحسبت فى حبك السكن
فبات الحب معك مستحيلا
ورغم نزيف شريان حبى
لن أدع الموت يطاردنى
سأمزق أوراقى وقلمى
وسأغير عنوانى وإسمى
وأستعيد الروح والجسد
فقد أعلنت العصيان على قلبى
فإستمتع أنت بهجرانك
وتحمل أنت نتائج إختيارك
قد سئمت لعبة المد والجزر
ولم أعد أتحمل ذلاتك

الجمعة، 6 ديسمبر 2013

عاشقة المستحيل


حبك كقطرات المطر

تبث الحياة فى شرايينى

يشعل النيران فى أعماقى

ويشعرنى بالدفىء يحتوينى

مثلى كمثل أوراق الشجرأنتظرك

حتى منك أرتوى وتنمو بساتينى


عشقى لك عشقا ممنوعا وأعلم

أن ما بينى وبينك كالذى

بين السماء والارض

ورغم المستحيلات فالحلم دائم

يذكرنى بروعة اللقاء

وقسوة الرعد

لم تثنينى الصعاب عن حبك

وكيف أتطلع لغيرك وانت

العمر والنبض


اسعد حينما أتذكر يوم تأتينى

تأخذنى من يدايا بثوبى الابيض

وأنت بجانبى تداعب خصلات شعرى
مفتون بجمالى والعين

من الخجل تغمض

تهمس فى أذنى بكلمات

من النور والنار

تذهب عقلى
وتجعلنى بكل الود أفضى


عاشقه للمستحيل أنا ولكن

معشوقى له منى كل الود

لن أستكين ولن يهدأ بالى

حتى تكون أرضه هى أرضى

من المهد الى اللحد


لايهم أين ومتى سيكون اللقاء

ولايهم إن كان صباحا او مساء

فانا بدونه بلا هوية بلا زمان

سأعاند الدنيا وساوقف عقارب الساعة

حتى يأتى يوما تكون لى فيه

السكن والعنوان

سأكتب على جدران قلبك إسمى

وستعلم مدى حبى والوفاء


تم النشر فى
الجمهورية
http://www.gomhuriaonline.com/main.asp?v_article_id=127065&v_section_id=53
مؤسسة الوعى العربى الاعلامية
http://arabyway.com/index.php/nogoom-eladab/sences/1191-2013-12-06-19-56-08
موقع شباب النيل
http://www.shbabalnil.com/?p=26008
مؤسسة البرهان الاعلامية
http://alborrhan.com/elborhan/mqalat_m.php?id_dev=%D8%AC%D9%8A%D9%87%D8%A7%D9%86+%D8%A7%D9%84%D8%B3%D9%86%D8%A8%D8%A7%D8%B7%D9%89&id=228

الأربعاء، 4 ديسمبر 2013

إطعن ياولدى

إطعن ياولدى 
وإغرس الطعنات بجسدى 
إطعن وإضحك وغنى 
على أشلاء ألمى ووجعى 
صدقت الغريب وهو عنا بيحكى 
ويقول إنك غريب على أرضى 
وإتفقت معاه على موتى ونهايتى 
نسيت إنك كنت ذرة من ترابى 
وياما داست رجليك على رملى 
نسيت أنى إحتويتك فى حضنى 
ولملمت دمعة حزنك فى كفى 
فكرت ليه فى هدمى وقتلى 
مش حرام تقتل فى قلبك حبى؟ 
إزاى هتغمض عينك ياولدى 
وإنت على أرض غير أرضى 
وإزاى هتحلم وإنت صاحى 
وبأيديك قتلت حلمك وحلمى 
خلينى على فراقك أبكى 
وأقفل على الأحزان رمشى 
الموت مش أول ولا أخر همى 
والطعنة منك مش هتقتل عزمى 
إنت الخاسر وبكرة تجيلى تبكى 
تبوس الأيادى وتطلب عفوى 
ساعتها مش هقول ده ولدى 
اللى يختار غيرى ينساه قلبى 
وإنت إخترت الغربة فلا تنتظرنى 
قريبا سألد غيرك وسيكون هو سندى 
لملم أحلامك وذكرياتك وأمشى 
أكذب وتجمل للاخرين وأترك لى أمرى 
فما عدت أمك ولا أنت عدت ولدى 
--------------
تم النشر فى الجمهورية