سحر الكلمات

ملوك الذكريات بقلم / جيهان السنباطى ========= وكأن مــلوك الذكـريات قد إعــتلوا عرش الحقـيقة وكأن الزمــان قد عــاد ومامضى لم يكن سوى دقيقة فما أجمل الصدفة حين تجمعنا ودفىء السلام من أناملنا الرقيقة تردد يتبعه تحيات وكلمات وبالأعماق تتسارع أسألة كثيرة تتلاقى الأعين على إستحياء وتختبىء الأشواق فى أبار سحيقة ليت الزمان يعود الى الوراء ليصبح حلم البراءة حقيقة

بقلم / جيهان السنباطى ======================= بقاله زمان ماكلمنى ولاقـالى وحشتينى وأنا بعــاده مجننى وطير النوم من عينى يعدى اليوم ومستنى سلامه يجيلى يحيينى وأقول يمكن يراسلنى ويبعت كلمة ترضينى قاسى وليه بيظلمنى وهو المنى ونور عينى ياغايب رُد طمنى بايعنى ولاشارينى بعادك عنى قالقنى كفايه بعاد يانور عينى تعالى وقولى محتاجنى وأنا أرويك بشرايينى تعالى وقولى ياوحشنى محتاج لحضنك دفينى محتاج لحد يكملنى ويكمل معايا نص ديـنى وعشان بحبك مستنى تجيلى ف يوم تكلمنى وتقولى كمان وحشتينى

وحياةاللى فـات من عمــرى  وحياةاللى جاى وحياة الدمعة اللى فى عينى والبسمة اللى بلا ضى لأخلى الدمـع فى عيــونك يدمى وف الدنيا ميت لكن حى

بقلم / جيهان السنباطى ============== نفسى ف لحظة يفاجئنى مرة ويدينى وردة هدية نفسى يشوفنى ويحس بقلبى وحبى وعشقى ومايجرح فيا نفسى أعيش الحب مع إنسان يتحب يفهم اللى أقوله من نظرة عنيا نفسى أكون عنوان لشاب رقيق فنان يلجأ لى لما يشتاق ليا نفسى أكون مراية يشوف نفسه فيها وميشوفش فيها إلا اللى جوايا نفسى أطير لبعيد أحضن النهار والليل ف لحظة أكون على كتفه وإيده حاضنة إيديا نفسى فى حاجات كتير بس الوردة رمز كبير نفسى يتحقق ويكون ليا

تحت المطر وف نفس المكان تاخدنى خطواتى لذكرى عاشت سنين جوايا هنا مشينا وهناك قعدنا هنا ضحكنا وهناك سهرنا هنا صارحنى بحبه وهناك صارحته بهوايا زى ماهو الطريق بس احنا إتغيرنا مفاضلش منا فيه غير عبير إتخنق نفس الهوا نفس السما بس مفيش بريق ماتت فى عيونا الفرحة ونروح فين م الوحدة وهنبكى لإمتى ع اللى راح ونقول ياريته فضل حبه بس ياترى  لسه فاكر المكان ولسه فاكر اللى كان لسه عنده حنين ولما بيمر ع الطريق بيفتكر حبيب زمان ف الطريق لوحدى ماشية مش عارفةرايحة ولاجاية عنيا مش شايفة رجلى ولاسامعة غير نقط الماية ف لحظة سمعت صوت بينادينى صوت يشبه صوت حنينى سمعته وكملت طريقى قولت حلم .. يمكن  دموع المطر بتلاغينى لكن سمعته تانى بيقرب واسمى على لسانه بيتردد وايد بتلمس ايديا بحب وصوت بيهمس وحشتينى كنت متأكد أن البعيد مسيره هيقرب ااااااااااااااااه يادمعة مش مكانك دلوقتى ع الخد سيبيلى الفرحة بلاش تخلى الحلم يتهد هيقولى وهقوله والعين تترجم وتفتن له اما القلب ده حكايه دقاته سامعها ا

يقولون جريئة  عيناها زرقاء بلون السماء وشعرها حرير ذهبى يتطاير مع الهواء يقولون شقية بعيونها أحلى كلام وبهمساتها هيام وبخطواتها نعومة رقة ومن يراها يقع أسير الأحلام يقولون أنثى ليس كمثلها أنثى تُسبى العيون تُشقى القلوب إبتسامتها وحدها فيها سرٌ تجعل المهموم ينسى يقولون أنها حلمٌ يشتاق اليه كل عاشق وطوق نجاة لكل غارق وبلبل صداح يزين بصوته الصباح وعند مغيبه الكون يظلم يقولون ويقولون جريئة ,, شقية,, أنثى لايهمنى ماذا يقولون ومايهمنى هو أننى سأظل حلماً يراودهم وأنهم بى شغفون فقولوا ماتقولون سأظل حلماً يداعب مشاعركم ولكنى لغيركم حتماً سأكون

فقد الكلام معناه والصمت فيه ألف معنى راح الإحساس وتاه مابين الأخرص والأعمى القلب رافض يعترف إن الزمن مبقاش أمان طيب ومعادش ينفع يكون له فى الدنيا مكان عينى عليكى ياطيبة لما تبيعى وتشترى فينا تبقى شايفة الحقيقة وبرضه فى الوهم ترمينا

أنا مش أديبة ولا شاعرة أنا بس بكتب اللى حساه تقدر تقول مراية حزينة لكل قلب قتلاه الآه شاطرة فى الوصف وحكيمة إحساسى عالى ماشاء الله أنا مش أديبة ولا شاعرة أنا بس بكتب اللى حساه مليش فى الوزن والقافية وأبياتى سهله وخفيفة بحكى اللى بشوفه فى الدنيا بكلمات حلوة ورقيقة وعشان حاسة بالكلمة تقدر تفهمنى فى دقيقة م انا مش أديبة ولاشاعرة أنا بس بكتب اللى حساه وعشان الشعرا ميزعلوش منى بقول انا بكتب لنفسى واللى زعلان ويصححلى أقوله شكرا أنا بنسى م أنا مش دارسة أعذرونى أنا بقول اللى ف قلبى م أنا اصلى مش أديبة ولا شاعرة أنا بس بكتب اللى حساه

بقلم- ( جيهان السنباطى ) القلم فى إيدى بيصرخ ومداده أصبح دم رافض يكتب رافض يشرح رافض يستسلم للألم ملعون أبو السكوت ملعون اللى يزود على أمهاتنا الهم ملعون اللى يخطط ويدبر ملعون اللى يقتل ويشرد ملعون اللى يحرق ويدمر ملعون اللى يسرق الفرحة من عيون أم

كلمات: جيهان السنباطى     فى ليالى الشتاء   يسود الهدوء   فى كل الأرجاء   أضواء خافتة   وغرف مظلمة   وأركان تروى   حكايات المساء   تتناثر قطرات المطر   بهدوء على النوافذ   تملأ الدنيا بهجة   بالرقص والغناء   فى هدوء أتأملها   أسمع نبضات قلبى   تذكرنى بأسماء   نحت الزمان حروفها   على جبين الوهم   فصاروا خيالات   بلهاء   البعض أتذكره   فيكون للبسمه   على شفاهى مكان   والبعض الآخر   يذكرنى بالشقاء   وصوت خافت   بداخلى يهمس   أن إبتعدى   عمن يشقيكى   تفائلى أصمدى   ياشهباء   إسترجعى شريط   أحلامك بحب   وأمحى منها النقاط   السوداء   إنهضى وإفتحى   نافذتك   وإستمتعى   بصوت المطر   ونسيم الهواء   كونى محبة لنفسك   وأنثرى الورود   فى كل الأرجاء  

كلمات: جيهان السنباطى     أحبه ,,   وحبه ومضـــاتٌ من نور وجـــروح   يسلبنى عقلى   يتوغل بين حـــنايا الروح   يسرق القلب منى   عند رؤياه وبسره يبوح   أراه حلماً بعيد المنال   حلماً تغلفه الجـروح   فأرتضى بلمحة من ذكرى   ولقاء بلا روح   كم أنت عنيدٌ ايها الإحساس   لما تُكبلنى   أحبك ايها البعيد ,,   أحبك ايها العنيد   أحبك ومازلت ,,   ابعد ماتكون عنى   لن يقهرنى البعد   فثورة القلب تقوينى   ولن تجف بحار الشوق   فسأحتفظ بما اليك يبُقينى

بقلم / جيهان السنباطى =============== لاتأخُذَنى الى بحارِ العِشق وتتركنى  لاتغازلنى بالكلمات وبمعسولها منى  تسرقُنى  لاتقذفُنى الى السماء وبيداك لاتلقُفَنى إن كنت تحبُنى فإجعلنى أُنثاك وأخطفنى وأثبت للعالم أن قلبك يعشقنى قُل لهم أنها ملكت عرشى  وأننى نذرت لها ماتبقى من عمرى هى معشوقتى وإبنتى وأمى وأختى  هى من حملت  بين كفيها  همومى  وغزلت نسيج الفرح فى قلبى وضلوعى  أكتُبنى حرفاً فى سطور حكاياتُك راضيةٌ أنا أن أكون مِدادك فعِشقى لك مرضٌ يحتاج لدوائك وصبرى عليك ولهاً بحسن بهائك وشوقى إليك موتٌ بطىء فى غيابك

بقلم / جيهان السنباطى ======== أوقات تحس أنك مضايق ومش عارف من إيه ؟ غرقان فى بحار الملل محتاج لشط ترسى عليه بتتمنى تحس البسمة لكن  مش عارف تجيبها منين جواك حزين ,, غامض ,, إسود ,,  جواك نحيب وأنين الكلام من على لسانك تايه والصمت مليان معانى مش أى حد يفهمه ولا أى حد  هيستحملك وإنت بتعانى غصب عنك هتلاقى نفسك  وسط جزيرة مفيهاش بشر جزيرة إنت إخترتها لنفسك  هروب من كل البشر مش عايز حد يسألك مالك  .. إيه غير حالك؟؟ مش عايز تحس بغربة نفسك  وسط أهلك وناسك وتفضل تخبى ,, وجواك تِعَبىِّ ,,  ومرة على مرة تنهار والقوة اللى بترسمها أدام  الناس تكشف ضعف وإنهيار غرقان فى بحار الملل محتاج لشط ترسى عليه بتتمنى تحس البسمة لكن  مش عارف تجيبها منين جواك حزين ,, غامض ,, إسود ,,  جواك نحيب وأنين

ماشى،،، كله ماشى، ،، ضحكة هبلة، ، كلمة ماسخة من غير معنى، ، كله ماشى، ، ع الكتف طبلة، ، والصوت بيعلا، ، ع المصالح بينادى، ، كله ماشى، ، سقفة حلوة، ، وشغل غنوة، ، وارقص ياخالى، ، ماهو كله ماشى

صعبة الحياة ,, ولولا إن الأمل فينا ,, ماكانش لينا وجــود بندور ع الصُحبة,, والناس تواسينا ,, لكن النصيب محدود يادنيا ليه قاسية ,, وبالنار بتكوينا ,, وبانية بينا وبينك سدود

بقلم / جيهان السنباطى حاجة غريبة ليه دايما بناديك وأصحى من نومى أدور عليك ولما الدنيا تقسى عليا إنت وبس اللى أجرى عليك حاجة غريبة ليه الضحكة من غيرك محسهاش ودقة قلبى مسمعهاش وليلى ونهارى سنين بتجرى وعمر ضايع متهناش حاجة غريبة ليه لما تنادينى ألبيك ولو زعلان منى أراضيك وأخاف عليك م النسمة وجوه رمشى أخبيك مش عارفه ليه شاغلنى وفى إيدك مفاتيح حلمى بأمر منك يتحقق ولو بعدت عنى تقتلنى حاجة غريبة إشمعنى إنت دون الناس إمتكلت فيا الإحساس خليتنى أشوفك حواليا فى وشوش كل الناس

لامم حواليه الحلوين فرحان انه شهريار يدوب من كلمتين حلوين وقلبه عايش محتار النهارده مع نيرمين وبكره مع أنهار سارحين بيه ف الخيال وهو ولاحاسس بالدنيا طاير مابين الجبال بيدور على فرحه ناسى ان بايده الخيال والحقيقة جوة الشقة لو فكر شوية فى الحال مكنش داق التعب والمشقة بس نقول ايه فى العيون الفاضية اللى لاتملاها عايدة ولا فادية دول عايزين يادوب إبرة يتشك بيها عشان يفوق ويقول اللى فى البيت مستنية حلالى ,, وبيا أولى

بقلم / جيهان السنباطى =========== خليك على هواك ,, إبعد وأهجر ,, بيع اللى كان بينا ,, وإقسى ع القلب اللى هواك إنسى الأيام اللى جمعتنا ,, والقمر اللى ونسنا ,, والارض اللى دوسنا عليها ,, ايام محبتنا دوس كمان ع القلب اللى حبك ,, غلطان اللى يحبك ,, بس ياريت كان بايدى ,, أعمل ايه بحبك كلمة مش هتقدر تفهمها ,, وأحاسيس صعب تعيشها ,, جوه قلبك حته حجر ,, مستحيل تعرف تكسرها أنانى وكنت عارفه ,, وبصبر نفسى بأى كلمة ,,  الحرف منك أعمل منه حكايه ,, والكلمة قصة غرام بلا نهاية كنت عارفه انك سارح ,,  قلبك فاضى وجارح ,, كنت عارفة أنك هتقسى ,, وأصبر واقول مسامح كنت أشوف غدرك بعينى ,, وأكدبها واقول يمكن ,,  كِتر الغدر وبرضه ,,  مش قادرة اصدق عينى خليك على هواك ,,  إبعد وأهجر ,, بيع اللى كان بينا ,, وإقسى ع القلب اللى هواك إنسى الأيام اللى جمعتنا ,, والقمر اللى ونسنا ,,  والارض اللى دوسنا عليها ,, ايام محبتنا