حدث خطأ في هذه الأداة

الثلاثاء، 6 سبتمبر، 2011

عجيبــــــــــــــه يادنيـــــــــــا


عجيبـــــــه يادنيا
____________


عجيب امرك يادنيا البشر
فيكى نفوس شاردة
ونفوس حايرة
ونفوس قاسيه وجبارة
ونفوس مش عارفه رايحه لفين ؟؟

وفيكى نفوس بتحب الناس
 ونفوس بتكره حتى نفسها
ونفوس بالمداس تنداس
ونفوس مش عارفه هى مين  ؟؟

فيكى اللى فى حبه حنون لكن عنيد
وفى اللى يحب بجنون
وفى اللى فى كرهه شديد
واللى فى قسوة قلبه زى الحديد

فيكى اللى يقول الحق
ومايخاف الا الحق
وفيكى اللى الكدب عنده غايه
وطريقه جهنم فى النهايه

وفيكى كمان اللى بيرسم الفضيله
مخادع وملاوع
وبالالوان زى الحربايه

وفيكى اللى ضايع وسط الخلايق
وفيكى اللى سامع واللى شايف
بلاوى غيره ويغطيها

وفيكى اللى غاوى ينهش
 فى لحوم البشر
بدل مايخاف عليها ويداريها

غريبه انتى يادنيا البشر
ضاعت فيكى ملامح الطيبه
والطيب فيكى مالوش مكان ولاهيبه

الشر فيكى تفشى وانتشر
والخير راااح واختفى
ولاعاد فى كلمة حلوة
ولاحتى سلام وكفى

 



هناك تعليق واحد: