حدث خطأ في هذه الأداة

الجمعة، 27 يوليو، 2012

بينى وبينك



بينى وبيــــنك بلاد وسنـــــين

وأسوار عالية ودمـــع وحنين


بينى وبيــنك حياة مش لينا

ودنيا خديتـــــنا من نفسينا


بينى وبيــــنك جبال وبحـــار

وصحرا واسعه ورمـال من نار


بينى وبينك أحساس مخنوق

جوه القلب اسير الشــــــوق


اللى بينا كبير بس استحالة


تكون للقصة مابينا نهايــــــة


صعب حبيبى فى يوم نتــلاقى

صعب قلوبنا فى يـوم تــداوى


مكتوب علينا نبقى بعـــــــاد

مكتوب ندوق طعم السهــاد


خايفه بايدى اخـــــتار البعد

واجرح قلبى وأخلف الوعــد


وأكمل عمرى بعيد على ذكرى

وأعيش لوحدى أتمنى كلمـة


افتكر لحظة جمعــــــت بينا

وكلمة حلوة أحييت قلوبنا


ياريت ماكان بينا بـــــلاد

ولاكان بايدى اختار البعاد

هناك تعليق واحد:

  1. كلمات رائعة جدا
    نثرت عطر فواح بين ثنايا الحروف
    ابدعت
    تقبلي تحياتي
    ويسرني ان ادعوكم لزيارة مدونتي المتواضعة عسى ان تروق لكم
    http://algareib.blogspot.com/

    ردحذف