بنت مصر مش لعبة

بنت مصر مش لعبة

كلمات: جيهان السنباطى

------------

إوعى تقول مكنش قصدى
لما طَاوعك قلبك تجرحنى
لما قدِرت تِكشف سَترى
و بعت إسمى وعرضى
إوعى تنسى إنك جَانى
وإن ربك مش هينسانى
أكيد حقى هيرجعلى
من أهلك من بيتك
أكيد عملك هيرجعلك تانى
إوعى تصدق دمعتك
وإيديك اللى مخبية عملِتك
مهما بكيت مش هتلاقى
اللى يصدق كدبِتك
إعترف إنك قاصد تكسرنى
وتِكسر اللى معايا وجَنبى
إعترف بإنك بتعاقبنى
على حبى ووفائى لبلدى
لا.. ياللى كنت إبن بلدى
بنت مصر مش لعبة
دى بضعفها أقوى منك
وإن كنت شايفها هزيلة
بقولك إصحى من نومك
البنت المصرية لسه صامدة
وبكل قوتها هتواجه ظلمك
ورينى إنت بقى شطارتك
لما بكرة تقابل وجه ربك
=============
تم النشر فى الجمهورية اون لاين
http://www.gomhuriaonline.com/main.asp?v_article_id=171661#.U5g5kQMvanc.facebook