حدث خطأ في هذه الأداة

الأربعاء، 2 يوليو، 2014

مختلفش عنهم


مختلفش عنهم كتير
نفس العيون
نفس الشفايف
نفس المشاعر

حتى الدموع
ماليه العيون
من غير ماتِشكى
الحزن فاير

مختلفش عنهم كتير
نفس الشوارع
دوستها
نفس الجناين
شوفتها

نفس الهوا
نفس السما
نفس القمر
حتى خطوط ضوءه
بايدى لمستها

واللى يفرق بينى وبينهم
إنى راضية بالمكتوب
مش طالبة اكون
واحدة منهم
بس طالبة قلب
يكون حبوب

عايزاه يكون جنبى
يحس بيا وبقلبى
عايزاه يكون سندى
مش سى السيد
يزود غُلبى

نفسى يفهم ضعفى
ويعرف إنى بيه قوية
نفسى يداوى جرحى
من غير مايعاير فيا

نفسى يعرف إنى بكمله
وإن وجوده بيكملنى
ومش عشان إحتجتله
يقسى عليا ويقتلنى

ف الدنيا ياما هتشوف
ملامح ناعمة وملامح قاسية
بس عمرك ماهتشوف
القلب الصافى
لو كانت النية
مش صافية








ليست هناك تعليقات:

إرسال تعليق