ياناس كفاية
ياناس كفاية
بقلم : جيهان السنباطى
============
على أد حالى ,,
لابيتى عالى ,,
ولافرش بيتى من دهب وفضة
أقوم يوماتى ,,
أصحّى ولادى ,,
وأحضّر لجوزى الشاى واللُقمة
شقيانه دايماً ,,
باجى على نفسى ,,
وأبدى غيرى دايماً على نفسى
الأصل طبعى ,,
والطيبة وصفى ,,
وايدى كريمة الا على نفسى
دايما تشوفنى ,,
برتب فى بيتى ,,
وأطبخ طبيخى ,,
وأغسل الهِدمة
مش عايزة من بكرة ,,
غير بس سُترة ,,
ودنيا من غير مشاكل هادية
بيقولوا عنى ,,
ناسية إنى ,,
ست ولازم أتبغدد وأعيش عيشه هنية
ويقولوا شوفوا ,,
زمان دى كانت ,,
تمشى تتعاجب ولا أجمل صبية
دلوقتى كِبرت ,,
وضاع جمالها ,,
بس برضه لسه ضياءه فيها
واللى يقول ,,
سيبوها فى حالها ,,
ياريت الزمان أكرمنا بواحدة زييها
ياناس كفاية ,,
كِتر كلامكم ,,
وزاد ملامكم ,,
وكل واحد فيه كفاية
خليكوا فى حالكم ,,
ماتشوفوا غيركم ,,
ده كل باب وراه الف حكاية
Paddy Power, Flutter Entertainment, Paddy Power - Mapyro
ردحذفFind Paddy Power, Flutter Entertainment, Paddy Power, 태백 출장샵 Flutter Entertainment, Paddy Power, 성남 출장마사지 Flutter 서산 출장안마 Entertainment, Paddy Power, Flutter Entertainment 시흥 출장샵 and 경상북도 출장마사지 more.