نفسى يفاجئنى
بقلم / جيهان السنباطى
==============
نفسى ف لحظة
==============
نفسى ف لحظة
يفاجئنى مرة
ويدينى وردة
هدية
نفسى يشوفنى
ويحس بقلبى
وحبى وعشقى
ومايجرح فيا
نفسى أعيش الحب
مع إنسان يتحب
يفهم اللى أقوله
من نظرة عنيا
نفسى أكون عنوان
لشاب رقيق فنان
يلجأ لى لما
يشتاق ليا
نفسى أكون مراية
يشوف نفسه فيها
وميشوفش فيها
إلا اللى جوايا
نفسى أطير لبعيد
أحضن النهار والليل
ف لحظة أكون على كتفه
وإيده حاضنة إيديا
نفسى فى حاجات كتير
بس الوردة رمز كبير
نفسى يتحقق
ويكون ليا
لكى تحصل علي سيرة ذاتية متكاملة الجوانب و الشروط قم بزيارة موقعنا و احصل على خدمتك في اسرع وقت و أيضا احصل على نموذج رسالة تغطية
ردحذفخاص لسيرتك الذاتية