حدث خطأ في هذه الأداة

الأربعاء، 18 أبريل، 2012

صعبة الحياة




مين فينا مش محــــــتاج

لايد حنونة تطبطب عليه

مين فينا مش مـــــــحتاج

لحــد يمسح دمعة عينيه


مين فينا يقـــــدر يكــــون

عايــــش لنفــــــــسه وبس

مين فينا يقــــدر ينـــــسى

 ان جواه قـــلب بيحــــس


مين يقدر يغــــير من نفسه

ولا ينسى انه أتخلق انسان

مهما طالــــت عليه غربته

ومهما زاد عــليه الحرمان


صعبة الحياة وازاى نتـحملها

 وأحــنا عايشين فيها لوحدينا

كتر الشكوى منــــــــها تعبنا

والصـــبر عليها ماعاد يكفينا


مر الزمن وعلم على الوجــــوه

وخطوطه على الملامح بتغيرنا

وازاى ندارى الهم والجروح

ولو دارينا الزمن هيــفضحنا


عيش يا أبن أدم أيامك وسنينك

وبلاش تحسبها وأرضى بالمقسوم

ده كل شىء مكتوب على جبينك

متقولش ده عنده وأنا مـــحروم


ساعتها هتحس بقيمة الدنيا

وتفرح باللى يكون فى ايدك

وتشكر ربك على نعمه الغاليه

وتعيش متهنى راضى بقليلك


أرفع أيدك للسما وأدعى

وقول يارب راضى بقضائك

وان كان فى الدنيا مكتوبلى أشقى

مايهمنى فى الدنيا الا رضائك





هناك 3 تعليقات:

  1. بجد حلوة لكنها موجعه اه با زمن

    ردحذف
    الردود
    1. ابو على

      هى فعلا موجعه

      لان الحياة صعبة

      واسهل حاجه فيها الدمعة رغم المها

      تسلم اخى

      حذف
  2. رواىْع الاحساس تتمثل بكتاباتك

    ردحذف