عينى عليا


عينى عليا يامسكينة
يادايقة الهم من بدرى
أصحابى معلقة وسكينة
وحلة وطاسة عشان اقلى

أصحى من نومى ع المطبخ
زى المسحورة بتحرك
وقبل ما أرتب المطرح
اسمع سى السيد بيصرخ

يقولى القهوة بسرعة ياهانم
أتاخرت أنا على شغلى
دايما تسيبينى كده نايم
ولاحاسة  بيا ياسبب همى

ولما أرجع وف أيدى القهوة
مسمعش منه كلمة تسعدنى
أدلقها عليه على سهوة
واقول مش قصدى يقطعنى

واضحك عليه واقول يستاهل
ماهو لو كان أصيل كان ريحنى
مش كل يوم عليه هتحايل
عشان يرضى عنى ويفرحنى

خلانى استنى خروجه م البيت
ماهو اصل راحتى بعيد عنه
بكرة يفهم ويقول ياريت
ويعرف إنى مش جارية فى قصره













تعليقات

  1. الردود
    1. الاروع مرورك بين كلماتى يا استاذ محمود

      حذف
  2. رائعة انتى ياسحر تسلم كلماتك

    ردحذف
  3. رائع..و ردت فعل القاريء اعجاب بلا تردد .... أنارت كلماتك
    صفحتي ...بوح رائع ..أدام الله قلمك ينسج لنا أبهى الحلل بحروف وجمل مطرزة متناسقه براقه.....لافض فوك ولاعدمناك ......لروحك الياسمين ولنبضك الدوام

    ردحذف
    الردود
    1. اشكرك جداااااااا على كلماتك الرقيقه اخى

      حذف

إرسال تعليق

المشاركات الشائعة من هذه المدونة

رساله من مجهول

ابحث عنك

أنا طفله