حدث خطأ في هذه الأداة

الأربعاء، 27 أغسطس، 2014

انا مصـــــــرية


بقلم : جيهان السنباطى

مصرية ,,
قوية وراضية دايما بحالى ,,
عمرى ما اخلى الحزن يغلبنى ,,
أو ينسينى فى يوم حالى ,,
ورغم التعب والهلكة ,,
تلاقينى على طول لابسة ,,
متشيكة بطرحتى وفستانى ,,
الدمعة تبقى على خدى ,,
واقول لأه ,, دى مش دمعة ,,
مين قال كده ,,
وابكى على ايه ,,
وانا حلوة ومين أدى ,,
واللى يقول غير كده ,,
أرميه بقبقابى ,,
متزينة بحلق طارة ,,
وعيونى شاردة ومحتارة ,,
شايفة فى عيون الناس كلام ,,
وقلوبهم حاسدة ومكارة ,,
واقول ايه ,, واعيد ايه ,,
خلينى ساكته احسن ,,
فى سكوتى اشطر سنارة ,,
خليك فى حالك يابن الحلال ,,
ده اللى بيقرب منى ,,
بيبقى حاله حال ,,
ينسى نفسه ,, ينسى أهله ,,
وعلاجه من المحال ,,
ده انا مصرية ,,
قوية وراضية دايما بحالى ,,
عمرى ما اخلى الحزن يغلبنى ,,
أو ينسينى فى يوم حالى ,,

ليست هناك تعليقات:

إرسال تعليق