حدث خطأ في هذه الأداة

الاثنين، 8 أغسطس، 2011

عجــــــــــايب البشـــــــــــــر


مر فى حياتى من الناس كتير
شوفت فيهم العجايب والبدع
وياما فى الدنيا انواع من  البشر
شوفت فيها الحنون والقاسى
فى اللى يفتكرك وفى اللى ناسى
فى اللى يحبك عشان بيحبك
وفى اللى عايزك عشان يمتلكك
فى اللى يقربلك عشان مصلحته
وفى اللى يمص بقسوة دمك
فى اللى يديلك نصيحه مغلوطة
ويكون اول من فيها يناقشك
فى ناس تحب ترفعك لفوق
وفى اللى برجله يهرسك
كل واحد شايف نفسه ملاك
والكل شايف ان غيره غلطان
عاملين مصلحين للكون
وهم الل محتاجين اصلاح
تبقى العين فى العين وبيكلمك
ولما تواجهه بحقيقته
بكل بجاحه يكدبك
دنيا ومليانه بالعجب
ولو مفهمتهاش تكعبلك
وتخلص على اللى باقى منك
وتبقى ضحيه مناكفتك
ياما وقعت فى مصايد الشر
واتحاربت من غير رحمة ولاسبب
بس كل وقعه علمتنى اكون اقوى
و خلاص اتعلمت اللعبه
مش هكون من الاهداف السهله
واللى اتاخد منى بالحيله
هاخده انا بالقوة







هناك 7 تعليقات:

  1. كل واحد شايف نفسه ملاك
    والكل شايف ان غيره غلطان
    عاملين مصلحين للكون
    وهم الل محتاجين اصلاح.
    فعلا عندك حق كلماتك رائعه واسلوبك مميز.....لكِ تحياتي

    ردحذف