نفســــــــــى
نفسى
------------------
نفسى أغضب
نفسى أثور واعلن عصيانى
على كل احساس قتلنى
وعلى كل انسان أنانى
نفسى أقول بعلو صوتى
أنى رافضه
رافضه أعيش
فى مكان مش مكانى
نفسى أعيش أحلامى
وأنسى أيامى
اللى فاتت واللى جايه
وأبتدى حياتى من تانى
نفسى اقول ع اللى جوايا بحريه
ومخافش أجرح غيرى
ولا أهتم غير بنفسى
وادوس ع اللى داس عليا
نفسى أكون واحده تانيه
انسانه غيرى
نفسى أكون أنانيه
أحب نفسى وبس
ومفكرش غير فيا
نفسى أبكى ع اللى ضاع
واللى فقدته فى حياتى
ومخبيش دمعتى
وأبيع كل اللى بالرخيص باع
نفسى أوقف عقارب الزمن
وأعيش لحظة بكل اللى فات
ويخلص عمرى بعدها من غير ندم
نفسى أخرج من جلدى وأتغير
بس ازاى من غير ما أتحير
نفسى أرتاح نفسى أهدى
نفسى أعيش
بس أختار
حتى لو وقعت فى الاخطار
هو كتير ياناس عليا
أنى أحب
أنى أعيش
أنى ادوق طعم الغرام
ولاكتير كمان عليا
أن قلبى يرضى
ويحس بالاستقرار
ما شاء الله عليكي كلمات جميله بس احب اضيف كلمتين انا شايف نفسي فيهم...
ردحذفنفسي..اعيش يومين لنفسي ...نفسي اهرب من ضميري
نفسي ابطل اعيش لغيري...نفسي ابطل ادي غيري للي بيقول ياله نفسي...نفسي يا دنيا
واخيرا اشكرك علي سعة صدرك ولكلي تحياتي وتقديري
هذه هى حاله من يشعرون بالمسؤليه ويعيشون من اجل الاخرون وينكرون ذاتهم .. هناك ناس تعودوا على العطاءوناس تعودت ان تاخذ
ردحذفيتمنى انك تحقق كل اللى بتتمناه
ارق تحياتى