حدث خطأ في هذه الأداة

الثلاثاء، 27 ديسمبر، 2011

أحضنينـــــــــى ..


أحضنينى ..
يا أرضى .. يابلدى
ياأمى الغاليه .. أحضنينى
أحضنينى ..
خدينى ودوبينى فى ترابك
دمى وروحى فدا نيلك
أحضنينى ..
أنا بنتك بنت أرضك
حته منك مش غريبه
أنا بذرة جوه طميك
زرعه ناديه مش مريضه
نادى عليا بعلو صوتك
هتلاقينى فى ثانيه ملكك
يرخص العمر ادامك
ولا فى يوم تتهان ارضك
يابلدى ياحرة
ياشمس الحضارة
يا أصل التاريخ والاصاله
العالم يشهد بمكانتك
ولايقدر حد ينفيها
والكل بيتعلم منك
اصول الحكمة ومعانيها
كبيرة يابلدى طول عمرك
مهما الزمان يقسى عليها
مستحيل ينكسر ضهرك
وانا واللى زيى بنحميها
معاكى هنفضل ايد واحده
وبسم الله هنعليها
الله اكبر بنقولها
فى وش الظالم
ولابنخاف ولابنخبيها
وأدى روحى بقدمهالك
ودمى بدل الميه يرويها
معاكى يا أم الدنيا متخافيش
ولادك معاكى متقلقيش
قولوا معايا الله اكبر
على كل من طغى وتجبر

قولوا وعلو الصوت
من غير بلدنا مش هنعيش








هناك 3 تعليقات:

  1. قولوا معايا الله اكبر
    على كل من طغى وتجبر

    قولوا وعلو الصوت
    من غير بلدنا مش هنعيش
    الله اكبر الله اكبر

    تحيا مصر

    ردحذف
  2. يابنتى انت فين دوختينى

    ردحذف
  3. انا موجودة هروح فين نورتنى

    ردحذف