حدث خطأ في هذه الأداة

الأحد، 17 أبريل، 2011

سألونى كتير

كتير سألونى بتحبى مين ؟
عايزين يشوفونى دايبه من الحنين
كل اللى شافنى يتمنانى
ويقول ياحلوة عنيكى من مين ؟

ويقولوا عليا عاجبنى حالى
مغرورة وسايقه فى الدلال
ولاحد عاجبنى وعاجبه حالى
بس عايشين هم فى الخيال

فى كل خطوة بتابعونى
وعينيهم تسرح فى عيونى
وكل واحد ينسى نفسه
اللى يغمى عليه
واللى يقول ياعالم اسندونى

ابص عليهم واستغرب
وارمى نظرة وانا بقرب
واضحك ضحكة رقيقه
تطير العقل وتكهرب

كل يوم على بابى م الخطاب ملايين
كلامهم مع ابويا يطول لساعات
وانا واقفه اتصنت م الكوالين
وابويا يتبغدد ويقول هيهات
يقولوا هنستنى سنين

شايفاهم حواليا فى كل مكان
كل واحد يرمينى بكلمة
وان رديت راح فى خبر كان
انادى واقول الحقينى ياما
تعالى هشى عنى الغربان
يطلع عليهم ابويا بجردل ميه
يجروا ويهربوا زى الرهوان

يقولولى بلاش تروحى وتيجى
خطوتك بتسحر القلوب
قولت وانا مالى عايزة حبيبى
وبستناه م الفجر للغروب
هو بس اللى ملك قلبى
والدنيا غالب ومغلوب

ريداه وهو رايدنى
وفى حبه انا بدوب
ده اول حب ليا
وهو طريقى المكتوب

شعر حلامنتيشى هههههههههه






هناك تعليق واحد:

  1. كتير سألونى بتحبى مين ؟
    عايزين يشوفونى دايبه من الحنين
    كل اللى شافنى يتمنانى
    ويقول ياحلوة عنيكى من مين ؟

    من كتر خطابها بارت
    ومين الفارس احتارت
    القسمه والنصيب اختارت
    قلب حوت طيب هي اختارت

    ردحذف